Математика және информатика пәндерінің 2020-2021 оқу жылының жылдық жоспарына сәйкес 2021 жылдың 10.02. – 20.02. 2021ж. уақыты аралығында өткізілген онкүндігінің есебі

Бүгінгі ғылым мен техниканың қарқынды дамып, еліміздің экономикасы өсіп, үкімет үдемелі индустрияландырудың керемет жобаларын жүзеге асырып отырған кезеңде оқушылардың математика мен информатика пәндерінен  біліміне, компьютерлік сауаттылық деңгейіне  қойылатын талап та жоғары. Болашақта білімді ұрпақ керек, ал білім кілті – барлық нақты ғылымдардың негізін меңгеруде. Себебі математикалық білімі мықты, компьютерлік сауаттылығы жоғары әрі ойлау қабілеті дамыған бала ғана ғылым мен техника тілін табысты меңгере алады. Әр баланың жеке бір ғылымға деген қабілетін ескере отырып оқыту, оны дамытудың барлық мәселелерін шешетін дайын әрі керемет әдістеме болуы мүмкін емес. Оқушылардың бойында   білімге деген қажеттілікті сезіну, білім алу үшін өз бетінше  іздену, жаңашылдыққа ұмтылу  қасиеттерін тәрбиелеу - сабақта ғана емес, сыныптан тыс жұмыстарда да жүзеге асырылуы керек.

 Осындай жұмыстардың бірі ретінде 10.02.– 20.02.2021ж. аралығында математика және информатика  пәндерінен «Оқушылардың өзіндік іс-әрекетін қалыптастыру және өздігінен білім алу қажеттіліктерін дамытудағы метатанымның рөлі» тақырыбында онкүндік болып өтті. 

Онкүндік барысында 22 ашық сабақ және 10 сыныптан тыс іс-шара қамтылды. Тәжірибе алмасу мақсатында  пән мұғалімдерінің ашық сабақтары өз уақытында белгіленген кесте бойынша өтті.   Бұл сабақтарға мұғалімдер бірлесе жоспар құрды, бір-бірінің сабақтарына Microsoft Teams (онлайн) және оффлайн форматта қатысып, зерттеу жұмыстарын жүргізді, оларды қорытындылап, нәтижесін шығарды, ескертулер мен ұсыныстар талқыланып, алдағы сабаққа нені жақсарту керектігін шешіп отырды. 

     Оқушылардың танымдық қабілеті мен ойлау деңгейін арттыруға бағытталған сыныптан тыс іс-шаралар өткізіліп, марапаттарға лайықты  топтар мен оқушылар анықталды және де мұғалімдерге қосымша көмек ретінде ұйымдастырылған семинар сабақтар Microsoft Teams

(онлайн) платформасында жүргізілді. Оқушылардың танымдық көзқарастарын кеңейту және  мақсатында: 

• Үздік ролик: «Бүкіл әлем сөйлейді нақты ғылым тілінде»
• Үздік жоба:  «Адамның еркі мен еңбегі,  Тудырар небір кереметтерді!»  
• Үздік дәптер:  «Дәптерлер сыр шертеді...» - атты байқаулар мен сайыстар болып, оқушылар белсене қатысты.  Нәтижесінде «Үздік» - деген атқа  лайықты топтар мен оқушылар анықталды. 

Оқушылардың онкүндік аясында өткізілген іс-шараларда қызығушылықтары жоғары болып, өте белсенді атсалысты. Күнделікті өткізілген ашық сабақтар мен сыныптан тыс әс-шаралардың есебі әлеуметтік желілерге жүктелініп отырды. Алдағы уақытта пән мұғалімдерінің ашық сабақтары мен сыныптан тыс іс-шаралар жоспарлары бұқаралық ақпарат құралдарына басылымға ұсынылады.

       Осындай пәндік онкүндіктерде оқушылардың шығармашылық қабілеті мен таным деңгейі дамиды, өз қабілеттерін ашады және де сабаққа деген ынталары артады. Сондықтан-да, болашақта өз білімдерін арттыруға құлшыныстары жоғары  болсын деген   мақсатта, лицейдің «Мақтау қағазы» -мен марапатталады.

 «Білім бақтың жібермейтін қазығы, білімсіз бақ әлдекімнің азығы»-деп, қазақтың жазушысы Мұхтар Әуезов айтып кеткендей, білімдерінің арқасында марапатталатын  оқушыларды құттықтаймыз!

"Үздік жоба”   байқауының нәтижесі

10.02.-20.02.2021ж. аралығында Математика-информатика бірлестігінің онкүндігі аясында ұйымдастырылған "Үздік жоба”  байқауы онлайн және офлайн форматтарда тыңдалды. Байқауға 5-11 сынып аралығында оқитын оқушылар қатысты.

Тыңдалу күні: 19.02. 2021 ж.

Байқаудың мақсаты:

-Оқушылардың зерттеушілік, ғылыми ойлау қабілеттерін дамыту;

-Танымдық қызығушылықтары және интеллектуалдық-шығармашылық әлеуетін қалыптастыру;

5-11 сыныптар арасындағы  «Үздік дәптер» байқауының қорытындысы